აპლიკაცია მაშინ ამართლებს, როცა ერთი და იგივე ადამიანი კვირაში რამდენჯერმე ბრუნდება, ან როცა push-შეტყობინება ბიზნესისთვის კრიტიკულია. ერთჯერადი ან იშვიათი გამოყენებისთვის საიტი თითქმის ყოველთვის სჯობს.
აპლიკაციის დაყენება ბარიერია. მომხმარებელი მას მაშინ გადალახავს, როცა სარგებელი განმეორებადია - ბანკი, ტრანსპორტი, მიტანა, სამუშაო ინსტრუმენტი. თუ სერვისით წელიწადში ორჯერ სარგებლობენ, აპლიკაცია არ ჩამოიტვირთება. ან ჩამოიტვირთება და წაიშლება.
დანარჩენი - ანგარიშები, გადახდა, ჯავშანი, ოფლაინ რეჟიმიც კი - თანამედროვე საიტს შეუძლია. push-შეტყობინება კი პირდაპირი არხია ეკრანამდე. თუ push-ს არ გამოიყენებ, ან გამოიყენებ იშვიათად, აპლიკაციის მთავარი უპირატესობა არ გჭირდება.
მაღაზიებს ყოველწლიური გადასახადი აქვთ და წესებს რეგულარულად ცვლიან. აპლიკაცია, რომელსაც წელიწადნახევარი არ განუახლებია, ხშირად უბრალოდ წყვეტს მუშაობას. ეს არ არის არგუმენტი აპლიკაციის წინააღმდეგ - ეს არის ხარჯი, რომელიც თავიდანვე უნდა ჩაითვალოს.
ჯერ საიტი, რომელიც მობილურზე კარგად მუშაობს. შემდეგ გაზომე: ბრუნდებიან თუ არა ადამიანები, და რამდენად ხშირად. თუ ციფრები აჩვენებს, რომ ბრუნდებიან - აპლიკაციას უკვე მონაცემებზე დაყრდნობით აკეთებ და არა ვარაუდზე.
დაიწყე კითხვით „რამდენად ხშირად დაბრუნდება იგივე ადამიანი". თუ პასუხი „იშვიათად" - საიტი. თუ „მუდმივად" და push გჭირდება - აპლიკაცია.
კრისტოფერო კასტელის 8, თბილისი 0159, საქართველო · +995 596 16 66 88 · info@zenlumex.com